Direktiva
Larissa Francisca-Hooi
Presidente
Larissa ta fundadó i presidente di Lisle’s Foundation Sickle Cell Awareness. Larissa ta kasá ku Evandro Hooi, nan ta e mayornan di Lisle Hooi ku a pèrdè su bida na edat di 19 aña a konsekuensia di un komplikashon na su higra, kousá pa e malesa di sickle cell. Larissa mes ta un kargadó (AS) di e malesa sickle cell. Aparte di Lisle, Larissa tin 2 yu muhé mas, Eva Hooi i Elaine Hart-Francisca. Larissa ta un empresario, e tin su mes salòn di pedikür.
Ora ku nan yu a fayesé pa kousa di e malesa akí, Larissa a sinti un nesesidat grandi
pa lanta e fundashon akí. El a ripará ku hopi hende no konosé e malesa i su gravedat. Tin tambe un tabú ku informashon robes rondó di e malesa. Nan a pasa den hopi kos ku nan yu pa motibu di e malesa di sickle cell. Ta p’esei Larissa sa presis na unda e sapatu ta pèrta. E sa kiko tur mayor i famia ta pas’ aden na momentu ku tin un yu ku e malesa akí. Ta p’esei e ta komprondé tambe ku e famianan tin mester di sosten moral, komprenshon i apoyo den e situashon.